Ame Ame nüme Ame säge

Aus dem Toggenburg schaltet sich "fis" - Hans Ruedi Fischer - in die Diskussion um die Abschaffung des Thurgauer Titels "Ammann" ein. Er spannt den Bogen von der "Gmeinds-Mame" bis "Ob Ama".

E Büebli frööget sini Mame: "Mame, cha da stimme, da me
ame Ame do im Thurgi nüme Ame säge taar wie amel?"
"Ame Ame nie meh Ame säge töre, nu no Präsi,
seig scho truurig", meint au d Bäsi
zBasadinge, wenn me läsi,
wa die Präsi alles triibed, ome-hüehnred, ome-wiibet
im Wiisse Huus, im Elysée, im Stadthus z Bade hei me’s gseh.

*

Entrüschtet meldet gwählti Fraue,
sie schätzed ihren Rang und Titel, sie wölled gär kei Gegemittel.
Nu ame Ame cha me traue… Sie hend s am eigne Liib erläbt:
Gmeinds-Mame heisst drom s G’heimrezept.

*

Am beschte dra isch dere verzwickte Sach eigentli nu de Barak z Washington. Ob Ama oder President - s isch do blos eine und immer de gliich gmeint.

*

Und Thurgauer Chircherööt hend i ökumenischer Eintracht beschlosse, dass es au noch em 1. Juni 2015 de Pfarrerschaft söll erlaubt bliibe, am Schluss vo Predigt und Gebät luut und vernehmlich AMEN z’säge!

Hans Ruedi Fischer (fis), Heimweh-Thurgauer, Journalist und Stückeschreiber. (Bild: zVg)

***

Zum Thema:

"Ammann for President" - thurgaukultur.ch vom 22.11.2014
Von Amtfrauen und Frisierpersonen - thurgaukultur.ch vom 10.10.2012

 (Zeichnung: Tom Werner)